UMRLI SU KAPITANI

Umrli su kapitani, ko će teška jidra dizat
Umrli su kapitani, nima više ko navigat
Crne barke, na plićaku, rastočene crne dote
Umrli su kapitani, nima više ni lipote

Podrhta bandira, ankore u grobu
Prove prema suncu, križi prema nebu
Nepoznata mora, zemlje na gvantjeri
Di ste kapitani, di ste kumpanjeri

Samo neka za oluje kada munje brod osvitle
Iz utrobe plač se čuje, polomljena rebra škripe
Tiho kada dite plače, cvili vitlo, jeca bura
Umrli su kapitani, nima više avantura