SVITLA NOĆ
Dinko Fio - Pere Ljubić

Svakeg godišća, kroz noć od muke
Misec svitli
I presisjuni gredu po putima

Kandiliri zlotni prid križima
Isukarsti u čornim velima
Svakeg godišća kroz noć od muke
Kako duđe pargatorija
Sa svićami u rukami
I s molitvan i kantanjem
Presisjuni po škoju se čuju
Iza bardih se spušćaju
Iza docih se jovjaju
Cilu noć, cilu noć

Kroz crikve, poja, mista
Dica su, matere i oci
Svu noć hodili za križem
Sa svojim križima
Kojih se na njima ne vidi

Kroz šest mist su pasali
U crikve svitle ulizali
Prid Božjin grebima kječali