BODULSKA

More nas od škoja dili
I bez nas je pusta vala
Ka' da smo za život cili
Pobigli sa parangala
Sad smo ovdi usrid grada
Ni u kupe, ni u špade
Iza đige sunce pada
Gušt svoje gube marinade

Sviti dani tako falši
Na krivu su pošli bandu
Tek se digod skupe naši
U konobi na bevandu
I poteče nika pisma
I zadršće kala tisna
Pa se pije sve po ju'sku
Pa se piva po bodulsku

 Pantimo još tepla juga
Poslipodne isprid kina
Sad ka' da se s nama ruga
Život, igra berekina
Sve to lipo ča se praši
Briše vrime ka pinelon
Pripoznat se mogu naši
Po starinski sa lumbrelon